అమ్మాయిలే అతని టార్గెట్.. ఇన్స్టాగ్రామ్లో మొదటగా యువతులతో పరిచయం చేసుకుంటాడు. కొన్ని రోజులు బాగానే స్నేహం చేస్తాడు. ఆ తర్వాతే తెలుస్తుంది అతడి వక్రబుద్ధి. అశ్లీల చిత్రాలు, వీడియోలు పంపి వేధిస్తుంటాడు. ఓ మహిళ హైదరాబాద్ సైబర్ క్రైమ్ పోలీసులకు ఫిర్యాదు చేసింది.
ఇన్స్టాలో అమ్మాయిలతో పరిచయం.. అశ్లీల చిత్రాలతో వేధింపుల పర్వం
ఇన్స్టాగ్రామ్లో అమ్మాయిలను పరిచయం చేసుకొని ఆపై వేధింపులకు పాల్పడుతున్న ఓ వ్యక్తిని హైదరాబాద్ సైబర్ క్రైమ్ పోలీసులు అరెస్టు చేశారు. అశ్లీల చిత్రాలు, వీడియోలు పంపి.. వేధిస్తున్నాడని ఓ మహిళ ఫిర్యాదుతో అతన్ని అరెస్టు చేశారు.
ఇన్స్టాలో పరిచయం చేసుకుంటాడు.. ఆపై వేధిస్తాడు
కేసు నమోదు చేసుకున్న సైబర్ క్రైమ్ పోలీసులు.. ఐపీ అడ్రస్ ఆధారంగా నిందితుడిని గుర్తించారు. అతడే రంగారెడ్డి జిల్లా అబ్దుల్లాపూర్మెట్ మండలం రామన్నగూడెంకు చెందిన సంతోష్ కుమార్. ఇతను మహారాష్ట్ర ఔరంగాబాద్లో ఓ ప్రైవేటు కంపెనీలో క్వాలిటీ కంట్రోల్ ఇంజినీర్గా పనిచేస్తున్నాడు. నిందితుడిని అరెస్టు చేసిన పోలీసులు రిమాండ్కు తరలించారు.
ఇదీ చదవండి:ఇన్స్టాలో అమ్మాయిల పేరుతో ఖాతా.. ఆపై బెదిరింపులు