ప్రేమను ఒప్పుకోలేదని దాడి చేశా..

మధులికపై దాడి కేసులో నిందితుడు భరత్​ కొత్త విషయాలు వెల్లడించాడు. మూడేళ్ల నుంచి ప్రేమ పేరుతో వేధిస్తున్నట్లు పోలీసులకు వాంగ్మూలమిచ్చాడు. మధులిక తల్లిదండ్రులను ఇంట్లో బంధించి దాడికి పాల్పడ్డనని ఒప్పుకున్నాడు.

బర్కత్​పురాలో బాలికపై దాడి కేసులో కొత్త విషయాలు వెలుగులోకి వస్తున్నాయి. మూడేళ్ల నుంచి ప్రేమ పేరుతో వేధిస్తున్నట్లు నిందితుడు భరత్​ పోలీసుల ముందు ఒప్పుకున్నాడు. రెండు సార్లు తన ప్రేమను మధులిక నిరాకరించిందని రగిలిపోయాడు. ఈ నెల 6న కళాశాలకు వెళ్తున్న ఆమెను పిలిచినా ఆగలేదు. కోపోద్రిక్తుడైన భరత్..కొబ్బరిబోండాల కత్తితో దాడికి పాల్పడ్డాడు. దాడి సమయంలో అడ్డురాకుండా ఆమె తల్లిదండ్రులను గదిలో బంధించినట్లు వాంగ్మూలమిచ్చాడు. నిందితుడు చెప్పిన వివరాలతో ఈ దాడి ఘటనను రీక్రియేషన్ చేయాలని పోలీసులు భావిస్తున్నారు.