పెద్దలు పెళ్లికి నిరాకరించారని ప్రేమజంట ఆత్మహత్య

ఒకరినొకరు ప్రాణం కంటే ఎక్కువగా ప్రేమించుకున్నారు. ఇంట్లో పెద్దలను ఒప్పించి వివాహం చేసుకొని ఆనందంగా ఉండాలని కలలు కన్నారు. చివరికి పెద్దలు వీరి ప్రేమను అంగీకరించకపోవడం వల్ల తనువు చాలించారు. ఈ విషాద ఘటన మహబూబ్​నగర్​ జిల్లా మిడ్జిల్​ మండలం వేముల గ్రామంలో చోటుచేసుకుంది.

తమ ప్రేమను పెద్దలు అంగీకరించకుండా పెళ్లికి నిరాకరించారని మనస్తాపానికి గురై ప్రేమజంట ఆత్మహత్య చేసుకుంది. ఈ ఘటన మహబూబ్​నగర్ జిల్లా మిడ్జిల్ మండలం వేముల గ్రామంలో చోటుచేసుకుంది. వేముల గ్రామానికి చెందిన శ్రీకాంత్(22), అఖిల (20) ప్రేమించుకున్నారు. పెళ్లి చేసుకోవాలనుకున్నారు. పెద్దలు అంగీకరించకపోవడం వల్ల మనస్తాపానికి గురై గ్రామశివారులోని మామిడి తోటలో చెట్టుకు ఉరివేసుకుని ఆత్మహత్యకు పాల్పడ్డారు.

చీకటి పడ్డాక స్థానికులు గుర్తించి పోలీసులకు సమాచారం ఇచ్చారు. ప్రేమజంట ఆత్మహత్య చేసుకోవడం పట్ల గ్రామంలో విషాదఛాయలు అలుముకున్నాయి. పోలీసులు కేసు నమోదు చేసుకుని విచారణ చేపట్టారు.

ఇవీ చూడండి: లారీని ఢీకొన్న కారు...ఇద్దరు మృతి