ట్రాక్టర్​ను ఢీకొట్టిన లారీ.. ఇద్దరు దుర్మరణం

ట్రాక్టర్​ను లారీ ఢీకొట్టిన ఘటనలో ఇద్దరు మృతిచెందారు. ఒకరి మృతదేహం ట్రాక్టర్​ ఇంజిన్​ కిందే ఇరుక్కుపోయింది. భద్రాద్రి కొత్తగూడెం జిల్లా గొర్రెపేట వంతెన వద్ద ఈ ప్రమాదం జరిగింది.

భద్రాద్రి కొత్తగూడెం జిల్లా మణుగూరు మండలం గొర్రెపెట వాగు వంతెన వద్ద రోడ్డు ప్రమాదం జరిగింది. ట్రాక్టర్​ను లారీ ఢీకొన్న ఘటనలో ఇద్దరు అక్కడికక్కడే దుర్మరణం చెందారు.

మణుగూరు ఓసి గని నుంచి బొగ్గు లోడుతో ఓ లారీ భద్రాద్రి థర్మల్​ విద్యుత్​ కేంద్రానికి వెళుతుంది. విద్యుత్​ కేంద్రంలోనే.. యూనిట్​ 3,4 సీసీఎల్​ పనుల జేబీసీఎల్​ కంపెనీ చేపడుతోంది. కంపెనీ అవసరాల కోసం మణుగూరు నుంచి డీజిల్​ డ్రమ్ములతో ట్రాక్టర్​లో స్టోర్​ ఇంఛార్జి కృష్ణారావు, డ్రైవర్​ వెంకన్న బయలుదేరారు. గొర్రపేట వద్ద ట్రాక్టర్​ను లారీ అతివేగంగా వచ్చి ఢీ కొట్టింది.

ఈ ఘటనలో వెంకన్న, కృష్ణారావు మృతిచెందారు. ప్రమాద వేగానికి ట్రాక్టర్​ పక్కనే ఉన్న కాలువలోకి పల్టీ కొట్టింది. ట్రాక్టర్​ కిందనే వెంకన్న మృతదేహాం ఇరుక్కుపోయింది.

సమాచారం అందుకున్న సీఐ భానుప్రకాశ్​.. ఘటన స్థలాన్ని పరిశీలించారు. ఇంజిన్​ కింద చిక్కకున్న మృతదేహాన్ని యంత్రం సాయంతో తీయించారు. కేసు నమోదుచేసుకొని దర్యాప్తు చేస్తున్నట్లు తెలిపారు.

ఇవీచూడండి:కన్న కొడుకుని బలికొన్న తల్లి వివాహేతర సంబంధం