అదుపుతప్పి బస్​షెల్టర్​ను ఢీకొట్టిన లారీ.. తప్పిన ప్రమాదం

అతివేగంతో ఓ లారీ బస్​షెల్టర్​ను ఢీకొట్టింది. అదృష్టవశాత్తు షెల్టర్​లో ఎవరూ లేకపోవడం వల్ల పెనుప్రమాదం తప్పింది. ఈ ఘటన సిద్దిపేట జిల్లాలో చోటుచేసుకుంది.

సిద్దిపేట జిల్లా మిరుదొడ్డి మండల కేంద్రంలో రోడ్డుప్రమాదం చోటుచేసుకుంది. అతివేగంతో దూసుకొచ్చిన ఓ లారీ.. అదుపుతప్పి స్థానిక మోడల్ స్కూల్ వద్ద గల బస్​ షెల్టర్​ను ఢీకొట్టింది. ఫలితంగా షెల్టర్ మొత్తం కుప్పకూలిపోయింది. అదృష్టవశాత్తు బస్ షెల్టర్​లో ప్రయాణికులెవరూ లేకపోవడం వల్ల పెను ప్రమాదం తప్పింది.

ఘటనలో లారీ డ్రైవర్​​ సైతం సురక్షితంగా బయటపడ్డాడు. విషయం తెలుసుకున్న పోలీసులు ఘటనా స్థలికి చేరుకున్నారు. ఈ మేరకు కేసు నమోదు చేసుకుని దర్యాప్తు చేస్తున్నారు.

ఇదీచూడండి..పోలీసులకు చిక్కినా.. నామమాత్రపు విచారణతో దర్జాగా దందా