జయరాం కేసు రోజుకో మలుపు...

ప్రముఖ వ్యాపారవేత్త జయరాం హత్య కేసులో పోలీసుల విచారణ కొనసాగుతోంది. గురువారం ఎనిమిది మందిని విచారించి కీలక సమాచారం సేకరించారు.

చిగురుపాటి జయరాం హత్యకేసు విచారణను పోలీసులు వేగవంతం చేశారు. గురువారం 8 మందిని విచారించారు. ఈ కేసులో మొత్తం 60 మందిని ప్రశ్నించారు. ఈ హత్యతో సంబంధం ఉన్నవారిని శుక్రవారం అరెస్ట్​ చేసే అవకాశం ఉంది.
'రాకేశ్​ రెడ్డి భూ దందాలపై'
ప్రధాన నిందితుడు రాకేష్‌రెడ్డి వ్యాపార భాగస్వాములు, స్నేహితులను పోలీసులు విచారిస్తున్నారు. రాకేష్‌తో కలిసి భూదందాలు చేసిన కుత్బుల్లాపూర్‌కు చెందిన ముగ్గురు స్థిరాస్తి వ్యాపారులను డీసీపీ ఏఆర్‌ శ్రీనివాస్‌ సమక్షంలో ప్రశ్నించారు.
రౌడీషీటర్ నగేశ్​ పాత్రేంటి..?
రౌడీషీటర్‌ నగేశ్​ను కూడా పోలీసులు ప్రశ్నించారు. జయరాం హత్య జరిగినట్టు తెలిసిన పోలీసులకు ఎందుకు చెప్పలేదు, నిందితుడితో కలిసి ఎలాంటి అక్రమాలకు చేశారనేదనిపై ఆరా తీశారు. నగేశ్​, అతని మేనల్లుడు విషాల్‌ను శుక్రవారం పోలీసులు అరెస్ట్​ చేసే అవకాశం ఉంది.
శిఖా చౌదరితో పాటు ఏసీపీ మల్లారెడ్డి, ఇన్‌స్పెక్టర్‌ శ్రీనివాస్‌లను మరోసారి పోలీసులు విచారించాలని భావిస్తున్నారు. ఈ నెల 23తో నిందితులు రాకేష్‌రెడ్డి అతని డ్రైవర్‌ శ్రీనివాస్‌కు పోలీస్‌ కస్టడీ ముగియనుంది.ఇవీ చదవండి:పోలీసుల పాత్రపై ఆరా