సెల్​ఫోన్​ దొంగిలించి అమ్మాడు... ప్రాణాలు పోగొట్టుకున్నాడు..

సెల్​ఫోన్ ఓ బాలుడి ప్రాణాలు తీసేందుకు కారణమైంది. ఈ విషాద సంఘటన ఏపీలోని చిత్తూరు జిల్లా మదనపల్లె పట్టణంలోని ఈశ్వరమ్మ కాలనీలో చోటుచేసుకుంది.

ఆంధ్రప్రదేశ్​లోని చిత్తూరు జిల్లా మదనపల్లెలో భరత్ అలియాస్ బన్నీ(12) తల్లి ఐదు సంవత్సరాల క్రితమే చనిపోయింది. అయిన వారి నుంచి ఆదరణ లేదు. తరచూ ఇళ్లలో చిన్న చిన్న దొంగతనాలు చేసేవాడని బంధువులు తెలిపారు. రెండురోజుల క్రితం బాలుడు తన పెదనాన్న సురేశ్​ ఫోన్​ను తస్కరించి ఓ వ్యక్తికి అమ్మాడని తెలిపింది.

భరత్​ను మొబైల్​ను విక్రయించిన చోటుకు తీసుకెళ్లగా... వాళ్లు బాలుడిపై దాడి చేశాడని పెదనాన్న సురేష్ చెబుతున్నాడు. భరత్​ను ఇంటికి తీసుకెళ్లగా.. ఉదయానికి చనిపోయాడని బంధువులు కన్నీటిపర్యంతమయ్యారు.

మృతదేహంతో సంఘటనా స్థలానికి వచ్చి న్యాయం చేయాలని మృతుని బంధువులు ఆందోళనకు చేశారు. మృతదేహాన్ని ప్రభుత్వ ఆసుపత్రికి తరలించిన పోలీసులు.. కేసు నమోదు చేసి దర్యాప్తు చేస్తున్నట్లు తెలిపారు.

ఇవీచూడండి:పోరాడైనా కృష్ణా, గోదావరి జలాలను దక్కించుకుంటాం: కేసీఆర్