ఐపీఎల్ బెట్టింగ్‌ నిర్వాహకుల అరెస్ట్

ఐపీఎల్ క్రికెట్ బెట్టింగ్ రాయుళ్లకు పండగే పండగ. తాజాగా వికారాబాద్‌లో బెట్టింగ్ నిర్వహిస్తున్న పదిమందిని పోలీసులు అరెస్ట్ చేశారు. వారి వద్ద నుంచి నగదు, చరవాణులు, ద్విచక్రవాహనాలను స్వాధీనం చేసుకున్నారు.

వికారాబాద్ జిల్లా తాండూరులో ఐపీఎల్ బెట్టింగ్ నిర్వహిస్తున్న పది మందిని పోలీసులు అరెస్ట్ చేశారు. బెట్టింగ్ సమాచారం అందుకున్న పోలీసులు పట్టణంలోని గాంధీనగర్‌లో ఆకస్మిక తనిఖీలు చేశారు.

బెట్టింగ్‌కు పాల్పడుతున్న పదిమందిని అదుపులోకి తీసుకుని పోలీస్ స్టేషన్‌కు తరలించారు. వారి వద్ద నుంచి 75 వేల రూపాయల నగదు, 11 చరవాణులు, 8 ద్విచక్రవాహనాలు స్వాధీనం చేసుకున్నారు. కేసు నమోదు చేసి, దర్యాప్తు చేస్తున్నట్లు సీఐ రవికుమార్ వెల్లడించారు.

ఇదీ చదవండి:సరూర్​నగర్​ కిడ్నాప్​ కథ సుఖాంతం... ఆర్థిక లావాదేవీలే కారణం