రామాపురం చెక్​పోస్ట్​ వద్ద భారీగా మద్యం పట్టివేత

ఏపీ ప్రభుత్వం మద్యం ధరలను పెంచిన నేపథ్యంలో తెలంగాణ నుంచి ఆంధ్రాకు భారీగా మద్యాన్ని తరిలిస్తున్నారు. సోమవారం రాత్రి కోదాడ మండలం రామాపురం చెక్​పోస్ట్​ వద్ద సూమారు రూ.7 లక్షలు విలువ చేసే మద్యాన్ని పోలీసులు పట్టుకున్నారు. అక్రమంగా మద్యం తరలిస్తున్న ముగ్గురిపై కేసు నమోదు చేశారు.

సూర్యాపేట జిల్లా కోదాడ మండలం రామాపురం చెక్​పోస్ట్​ వద్ద సోమవారం అర్ధరాత్రి సుమారు రూ.ఏడు లక్షలు విలువ చేసే మద్యాన్ని పోలీసులు పట్టుకున్నారు. ఆంధ్రప్రదేశ్​లో మద్యం ధరలు అధికంగా ఉన్నందున కొంతకాలంగా విజయవాడకు చెందిన ముగ్గురు వ్యక్తులు.. సూర్యాపేటలో మద్యాన్ని కొనుగోలు చేసి విజయవాడకు తరలిస్తున్నారు. సోమవారం రాత్రి రాష్ట్ర సరిహద్దు వద్ద పోలీసులు తనిఖీలు నిర్వహిస్తుండగా డీసీఎం వ్యాన్​లో అక్రమంగా తరలిస్తున్న 689 లీటర్ల మద్యం పట్టుబడింది.

తెలంగాణలో తక్కువ ధరకు కొని.. విజయవాడలో అధిక ధరలకు విక్రయించాలనే దురుద్దేశంతో మద్యాన్ని తరలిస్తున్నారని సీఐ శివరామిరెడ్డి తెలిపారు. అక్రమంగా మద్యం తరిలిస్తున్న ముగ్గురిపై కేసు నమోదు చేసినట్లు పేర్కొన్నారు.

ఇవీ చూడండి:'కరోనా అన్యోన్యతను పెంచింది.. మనసులను దగ్గర చేసింది'