భారీగా గుట్కా పట్టివేత.. ఒకరు అరెస్ట్​

సిద్దిపేట జిల్లా హుస్నాబాద్​ పోలీస్​స్టేషన్​లో మల్లెచెట్టు చౌరస్తాలోని ఓ పాన్​షాప్​ నిర్వాహకుని వద్ద అక్రమంగా నిల్వ ఉంచిన రూ. లక్ష విలువైన ప్రభుత్వ నిషేధిత గుట్కా ప్యాకెట్లను పట్టుకున్నట్లు ఏసీపీ మహేందర్​ వెల్లడించారు. పాన్​ దుకాణం నిర్వాహకుడిని అరెస్ట్​ చేసి రిమాండ్​కు తరలించినట్లు తెలిపారు.

సిద్దిపేట జిల్లా హుస్నాబాద్​ పోలీస్ స్టేషన్​లో మల్లెచెట్టు చౌరస్తాలోని దుకాణాల్లో తనిఖీలు చేపట్టారు. అనుమానాస్పదంగా కనిపించిన ఓ పాన్​షాప్​ నిర్వాహకుని వద్ద అక్రమంగా నిల్వ ఉన్న రూ. లక్ష విలువ గల ప్రభుత్వ నిషేధిత గుట్కా ప్యాకెట్లు స్వాధీనం చేసుకున్నారు. పాన్​ షాప్​ నిర్వాహకుడిని అరెస్ట్​ చేసినట్లు ఏసీపీ మహేందర్​ తెలిపారు. గత మూడేళ్లలో 50 కేసుల వరకు నమోదయ్యాయని ఏసీపీ వెల్లడించారు.

ప్రభుత్వ నిషేధిత గుట్కా ప్యాకెట్లు తినడం ఆరోగ్యానికి హానికరమని, నిషేధిత గుట్కా ప్యాకెట్లను విక్రయించినా, కొనుగోలు చేసిన కఠిన చర్యలు తీసుకుంటామని ఎసీపీ వెల్లడించారు. హుస్నాబాద్​ డివిజన్​ పరిధిలో గుట్కా ప్యాకెట్ల వ్యాపారంపై ప్రత్యేక నిఘా ఉంచినట్లు ఆయన పేర్కొన్నారు.

ఇదీ చూడండి:రాయలసీమ ఎత్తిపోతాలు ఆపాలని కోరిన తెలంగాణ సర్కారు