తాను పోలీస్ శాఖలో ఎస్సైనని.. ముఖ్యమంత్రి కేసీఆర్కు గన్మెన్ అంటూ నిరుద్యోగులను బురిడీ కొట్టిస్తున్న ఘరానా మోసగాడిని టాస్క్ఫోర్స్ పోలీసులు పట్టుకున్నారు. హైదరాబాద్ రేతిబౌలి ఇందిరానగర్కు చెందిన నందికొండ సంతోష్ ఇంటర్మీడియట్ వరకు చదువుతున్నాడు. కొంతకాలం ఎలక్ట్రిషీయన్, ఆ తర్వాత కారు డ్రైవర్గా పనిచేశాడు. జల్సాలకు అలవాటు పడి డబ్బుల కోసం నకిలీ పోలీస్గా అవతారమెత్తాడు. పోలీస్ శాఖలో ఎస్సైగా పనిచేస్తున్నట్లు, సీఎం కేసీఆర్ వద్ద ప్రగతిభవన్లో గన్మెన్గా పనిచేస్తున్నట్లు పలువురిని నమ్మించారు.
నకిలీ గన్మెన్ అంటూ ప్రజలను బురిడీ కొట్టిస్తున్న వ్యక్తి అరెస్ట్ - fake si card holder arrested
హైదరాబాద్ రేతిబౌలిలో నివాసముంటున్న సంతోష్ జల్సాలకు అలవాటుపడి డబ్బుల కోసం నకిలీ పోలీస్గా అవతారమెత్తాడు. తాను ముఖ్యమంత్రికి గన్మెన్ అంటూ నిరుద్యోగులను బురిడీ కొట్టిస్తున్న ఇతన్నీ పోలీసులు గస్తీ కాసి అరెస్ట్ చేశారు. నిందితుడి నుంచి సఫారీ డ్రెస్సు, బొమ్మ తుపాకీ, నకిలీ గుర్తింపు కార్డు, రూ. 25 వేల నగదు స్వాధీనం చేసుకున్నారు.
నకిలీ గన్మెన్ అంటూ ప్రజలను బురిడీ కొట్టిస్తున్న వ్యక్తి అరెస్ట్
న్యాయశాఖలో ఒప్పంద ఉద్యోగాలు ఇప్పిస్తానంటూ నిరుద్యోగుల నుంచి డబ్బులు వసూలు చేసి మోసం చేశాడు. బాధితులు.. అతనిపై ఫిర్యాదు చేశారు. పోలీసులు సంతోష్పై నిఘా ఉంచి.. ఇంట్లో ఉన్న సమయంలో దాడి చేసి పట్టుకున్నారు. నిందితుడి నుంచి సఫారీ డ్రెస్సు, బొమ్మ తుపాకీ, ఎస్సై నకిలీ గుర్తింపు కార్డు, రూ. 25 వేలు స్వాధీనం చేసుకుని అరెస్ట్ చేసి రిమాండ్కు తరలించారు.