భార్య కాపురానికి రావడం లేదని భర్త బలవన్మరణానికి పాల్పడిన ఘటన సంగారెడ్డి జిల్లా పటాన్చెరు ఠాణా పరిధిలో జరిగింది. ముత్తంగి పీఎస్ కాలనీకి చెందిన నర్సింహ హరిప్రసాద్(30) అరబిందో పరిశ్రమ యూనిట్-5లో కాంట్రాక్టు కార్మికుడిగా పనిచేస్తున్నాడు. ఎనిమిదేళ్ల క్రితం వరంగల్ జిల్లా కమలాపూర్కు చెందిన రత్నపురితో వివాహం జరిగింది. వీరికి ఇద్దరు పిల్లలు.
భార్య కాపురానికి రావడం లేదని భర్త ఆత్మహత్య!
ఫంక్షన్లో భర్త మద్యం సేవించి గొడవ చేశాడని కాపురానికి రానంది భార్య.. దీంతో మనస్తాపం చెందిన ఆ వ్యక్తి ఆత్మహత్య చేసుకున్నాడు. సంగారెడ్డి జిల్లా పటాన్చెరు పరిధిలో గురువారం రాత్రి ఈ ఘటన చోటు చేసుకుంది.
భార్య కాపురానికి రావడం లేదని భర్త ఆత్మహత్య!
నవంబర్ 17న తన సోదరుడి పెళ్లి ఉందని రత్నపురి 45 రోజుల క్రితం పిల్లలతో కలిసి తన పుట్టింటికి వెళ్లింది. పెళ్లి సమయానికి హరిప్రసాద్ అక్కడికి వెళ్లాడు. కాగా ఆ పెళ్లిలో భర్త మద్యం తాగి గొడవ చేశాడని పెద్దమనుషులతో మాట్లాడితేనే కాపురానికి వస్తానని భార్య చెప్పింది. దీంతో మానసికంగా కుంగిపోయిన హరిప్రసాద్.. గురువారం రాత్రి చరవాణిలో వీడియో తీస్తూ తన గదిలోని ఫ్యానుకు ఉరేసుకొని బలవన్మరణానికి పాల్పడ్డాడు. మృతుడి సోదరుడి ఫిర్యాదు మేరకు పోలీసులు కేసు నమోదు చేసుకుని దర్యాప్తు చేసున్నారు.
ఇదీ చదవండి:పురుగులమందు తాగి మైనర్ ప్రేమజంట ఆత్మహత్య