ఆడపిల్ల పుడుతుందని గర్భవిచ్ఛిత్తి.. ఆసుపత్రి సీజ్​

మహబూబాబాబ్​ జిల్లా తొర్రూరులోని ఓ ప్రైవేట్​ ఆసుపత్రిని అధికారులు సీజ్​ చేశారు. ఆడపిల్ల పుడుతుందని గర్భవిచ్ఛిత్తి చేసినందుకు చర్యలు తీసుకున్నారు.

మహబూబాబాద్ జిల్లా తొర్రూరులోని యాదగిరిరెడ్డి ఆసుపత్రిని అధికారులు సీజ్‌ చేశారు. ఆడపిల్ల పుడుతుందని గర్భవిచ్ఛిత్తి చేసినందుకు డిప్యూటీ డీఎంహెచ్​వో కోటాచలం అధికారులతో కలిసి ఆసుపత్రిని మూసివేశారు.

ఐసీడీఎస్​ అధికారుల సమాచారంతో విషయం తెలుసుకున్న జిల్లా పాలనాధికారి వీపీ గౌతమ్..​ ఆసుపత్రిపై విచారణ జరిపించాలని.. సంబంధిత వైద్యునిపై చర్యలు తీసుకోవాలని అధికారులను ఆదేశించారు. విచారణ జరిపిన వైద్య ఆరోగ్య శాఖ అధికారులు.. ఆరోపణలు నిజమేనని తేల్చారు.

ఈ మేరకు డాక్టర్​ యాదగిరిరెడ్డిపై తొర్రూర్​ పోలీసులు కేసు నమోదు చేశారు. విషయం తెలుసుకున్న నిందితుడు పరారీలో ఉన్నాడు.