మందలించడమే ఆమె చేసిన నేరమైంది.. మద్యం మత్తు వదలమని చెప్పడమే.. యమపాశమైంది. మద్యం మత్తులో అమ్మమ్మను బండరాయితో మోదీ చంపిన ఘటన వికారాబాద్ జిల్లాలో జరిగింది.
మందలించడమే నేరమైంది.. రక్తపు మడుగులో తుదిశ్వాస విడిచింది.. - వికారాబాద్ నేరవార్తలు
మద్యం తాగి చెల్లిలితో గొడవపడుతున్నాడని మందలించిందని.. అమ్మమ్మనే హత్య చేశాడు ఓ మనవడు.. వికారాబాద్ జిల్లా కొత్తగడిలో ఈ ఘటన జరిగింది.
మందలించడమే నేరమైంది.. రక్తపు మడుగులో తుదిశ్వాస విడిచింది
వికారాబాద్ మున్సిపాలిటీ పరిధిలోని కొత్తగడికి చెందిన నర్సింగ్.. మద్యానికి బానిసయ్యాడు. బుధవారం సాయంత్రం మద్యం తాగి ఇంటికి వచ్చి.. చెల్లితో గొడవకు దిగాడు. తాగి గొడవ చేస్తావా అంటూ నర్సింగ్ను.. అతని అమ్మమ్మ బాలమ్మ నిలదీసింది. అదే ఆమెకు చివరి మాటైంది. ఆగ్రహించిన నర్సింగ్ ఆమెపై బండరాయితో దాడిచేశాడు. రక్తపు మడుగులో ఉన్న ఆమెను ఆస్పత్రికి తరలించారు స్థానికులు. పరీక్షించిన వైద్యులు ఆమె అప్పటికే మరణించిందని తెలిపారు. సమాచారం అందుకున్న పోలీసులు కేసు నమోదు చేశారు. క్లూస్ టీంతో ఆధారాలు సేకరించారు.
మందలించడమే నేరమైంది.. రక్తపు మడుగులో తుదిశ్వాస విడిచింది