తాటిచెట్టు పైనుంచి జారి గౌడసంఘం అధ్యక్షుడు మృతి

కల్లు గీస్తుండగా ప్రమాదవశాత్తు తాటిచెట్టు పైనుంచి జారి గీత కార్మికుడు మృతి చెందాడు. ఈ ఘటన జయశంకర్​ భూపాలపల్లి జిల్లా రేగొండ మండలంలో చోటు చేసుకుంది. మృతుడు తడక శ్రీనివాస్​.. గౌడ్​ సంఘం అధ్యక్షుడుగా ఉన్నాడు.

జయశంకర్ భూపాలపల్లి జిల్లా, రేగొండ మండల కేంద్రానికి చెందిన తడక శ్రీనివాస్(48) కల్లు గీస్తుండగా ప్రమాదవశాత్తు తాటిచెట్టు పైనుంచి పడి మృతి చెందాడు. గురువారం సాయంత్రం కల్లు గీస్తుండగా మోకు జారి శ్రీనివాస్​ కింద పడ్డాడు. ఆస్పత్రికి తరలిస్తుండగా మార్గ మధ్యలోనే మరణించాడు. ఆయన​.. తెరాస నాయకుడిగా, గౌడ సంఘం అధ్యక్షుడుగా ఉన్నాడు. భార్య, కుమార్తె, కుమారుడు ఉన్నారు.

శ్రీనివాస్​ మృతితో కుటుంబ సభ్యులు, గీత కార్మికులు తీవ్ర విషాదంలో మునిగిపోయారు. ఆయన మరణం పార్టీకి తీరని లోటని తెరాస నాయకులు, కార్మికులు ఆవేదన వ్యక్తం చేశారు. పార్టీకి, గౌడ సంఘానికి ఎనలేని సేవలు చేశారని కొనియాడారు. శ్రీనివాస్​ ఆత్మకు శాంతి చేకూరాలని, ప్రభుత్వం ఆ కుటుంబాన్ని ఆదుకోవాలని కోరారు.

ఇదీ చదవండి:ఉప్పల్​లో లారీ బీభత్సం.. ఒకరు మృతి