బాలిక ఆత్మహత్యాయత్నం.. కాపాడేందుకు యత్నించిన పోలీసులు.. కానీ

కుటుంబ సమస్యలతో మనస్తాపం చెందిన ఓ బాలిక ఆత్మహత్యకు యత్నించింది. గుర్తించిన కుటుంబ సభ్యులు వెంటనే పోలీసులకు సమాచారం అందించారు. హుటాహుటిన ఘటనా స్థలికి చేరుకున్న పోలీసులు బాలికను కాపాడి.. ఆసుపత్రికి తరలించారు. చికిత్స పొందుతూ బాలిక మృతిచెందింది.

రాచకొండ కమిషనరేట్ జవహర్​నగర్ పోలీస్ స్టేషన్ పరిధిలోని రాజీవ్ గృహకల్పలో నివసించే 13 ఏళ్ల బాలిక కుటుంబ సమస్యలతో మనస్తాపం చెంది ఆత్మహత్యకు యత్నించింది. గుర్తించిన కుటుంబ సభ్యులు డయల్​ 100కు సమాచారం అందించారు. వేగంగా స్పందించిన జవహర్​నగర్ పెట్రోలింగ్ పోలీసులు.. ఘటనా స్థలికి చేరుకున్నారు. బాలికను కాపాడి.. కొంత దూరం పరకు వారి వాహనంలోనే తీసుకెళ్లి.. మార్గమధ్యంలో అంబులెన్స్​ ఎక్కించారు. ఆసుపత్రిలో చికిత్స పొందుతూ బాలిక తుదిశ్వాస విడిచింది.