గంజాయి స్వాధీనం: చిన్న చిన్న ప్యాకెట్లు.. విచ్చలవిడిగా విక్రయాలు!

రాష్ట్రంలో విచ్చలవిడిగా గంజాయి అమ్ముతున్నారు. నిత్యం ఏదో ఒకచోట ఈ మత్తు మందు పట్టుబడుతూనే ఉంది. తాజాగా మెదక్‌ జిల్లా నర్సాపూర్​లో గంజాయి విక్రయిస్తున్న ఇద్దరిని పట్టుకున్న పోలీసులు.. వారిని నుంచి కిలో మత్తు మందు స్వాధీనం చేసుకున్నారు.

మెదక్‌ జిల్లా నర్సాపూర్​లో ఎస్​కే హబీబ్‌మూసా, రాజేశ్​ అలియాస్‌ రమేశ్​ కలసి గంజాయి విక్రయిస్తున్నారు. పోలీసులు వారిని ఆదుపులోకి తీసుకుని విచారించారు. నిందితులు తమ వద్ద గంజాయి ఉన్నట్లు ఒప్పకున్నారు.

చిన్న చిన్న ప్యాకెట్లుగా తయారు చేసి అవసరం ఉన్నవారికి సరఫరా చేస్తున్నట్లు తెలిపారు. ఈ మత్త మందును చాలా మంది కొనుగోలు చేస్తున్నట్లు తెలిసిందని పోలీసులు తెలిపారు. నిందితులిద్దరిని అరెస్ట్​ చేసి కిలో గంజాయిని స్వాధీనం చేసుకున్నారు. చట్ట వ్యతిరేక పనులు చేస్తే చర్యలు తప్పవని ఎస్సై గంగరాజు హెచ్చరించారు.

ఇదీ చదవండి:గొల్లపల్లి లొల్లిలొల్లి: తెరాస, భాజపా వివాదం.. పోలీస్‌స్టేషన్​లో ఉద్రిక్తం