ప్రైవేట్​ ఉమెన్స్​ హాస్టల్​లో అగ్ని ప్రమాదం.. తప్పిన ప్రాణనష్టం

హైదరాబాద్​ హిమాయత్​నగర్​లోని ఓ ప్రైవేట్​ ఉమెన్స్​ హాస్టల్​లో అగ్ని ప్రమాదం చోటు చేసుకుంది. బిల్డింగ్​లోని 5 వ అంతస్తులో షార్ట్​సర్క్యూట్​ సంభవించడంతో మంటలు చెలరేగాయి. ప్రమాదంలో పలు వస్తువులు దగ్ధం కాగా యువతులను సురక్షితంగా బయటకు తరలించారు.

హైదరాబాద్ హిమాయత్​నగర్​లోని ఓ ప్రైవేటు మహిళా వసతి గృహంలో అగ్నిప్రమాదం సంభవించింది. ఐదవ అంతస్తులో షాట్ సర్క్యూట్​తో మంటలు చెలరేగాయి. గదిలో ఉన్న ఇద్దరు యువతులను పోలీసులు సురక్షితంగా కిందకు తీసుకొచ్చారు. ప్రమాదంలో ఆరు బెడ్లు, రెండు ల్యాప్ టాప్​లు, ఫోన్, పుస్తకాలు, బట్టలు దగ్ధం అయ్యాయి.

ప్రమాదం సంభవించిన వెంటనే స్పందించిన నారాయణగూడ పోలీసులు.. హాస్టల్​లో ఉన్న వాటర్ ట్యాంక్ నీటితో మంటలను ఆర్పారు. అనంతరం అగ్ని మాపక సిబ్బంది మంటలను పూర్తిగా అదుపులోకి తీసుకవచ్చారు.

ఇదీ చదవండి:లాడ్జిలో... 20కిలోల వెండి ఆభరణాలు స్వాధీనం