విద్యుదాఘాతంతో మొబైల్ షాప్ దగ్ధం... 15 లక్షల నష్టం

విద్యుదాఘాతం వల్ల భద్రాచలం పాతమార్కెట్​లోని ఓ మొబైల్​ దుకాణం అగ్నికి ఆహుతైంది. స్థానికులు గమనించి తెరిచేలోపే జరగాల్సిన నష్టం జరిగిపోయింది. సుమారు 15 లక్షల మేర నష్టం వాటిల్లినట్టు దుకాణ యజమాని తెలిపాడు.

భద్రాచలం పాతమార్కెట్‌లోని ఓ మొబైల్‌ దుకాణంలో అగ్నిప్రమాదం సంభవించింది. దుకాణంలో నుంచి పొగలు రావడాన్ని గమనించిన స్థానికులు... యాజమానికి సమాచారమందించారు. హుటాహుటిన ఘటనాస్థలానికి చేరుకుని షటర్‌ తెరిచి చూడగా... అప్పటికే దుకాణంలోని సామగ్రితో పాటు చరవాణులు అగ్నికి ఆహుతయ్యాయి.

ఈ ప్రమాదంలో 15 లక్షల వరకు ఆస్తి నష్టం జరిగిందని బాధితుడు వాపోయాడు. విద్యుదాఘాతం వల్లే ప్రమాదం జరిగినట్లు పోలీసులు ప్రాథమికంగా నిర్ధారించారు.

ఇదీ చూడండి: పేస్టులా బంగారాన్ని మార్చి... ఎయిర్​పోర్టులో దొరికి..