హైదరాబాద్ కూకట్‌పల్లి కేపీహెచ్బీ కాలనీలోని ఓ హార్డ్ వేర్ షాపులో ఈ రోజు తెల్లవారుజామున అగ్ని ప్రమాదం చోటుచేసుకుంది. రాందేవ్ ఎలక్ట్రికల్ అనే హార్డ్ వేర్ షాపులో మంటలు చెలరేగటంతో స్థానికులు అగ్నిమాపక సిబ్బందికి సమాచారం అందించారు. సమాచారం అందుకున్న అగ్నిమాపక సిబ్బంది మంటలను అదుపులోకి తెచ్చారు.
షార్ట్ సర్క్యూట్ వల్ల అగ్నిప్రమాదం జరిగి ఉంటుందని పోలీసులు అనుమానం వ్యక్తం చేస్తున్నారు. ఎలక్ట్రికల్ ఉపకరణాలు, పెయింట్ డబ్బాలు, ఫ్లై వుడ్ ఉపకరణాలు ఉండటంతో మంటలు షాపులోని మూడు అంతస్తుల్లో మంటలు వ్యాపించాయి. అదే భవనం సీఎంఆర్ జ్యువెలరీ షాప్ కూడా ఉంది. జ్యువెలరీ షాప్ వివరాలు ఇంకా తెలియాల్సి ఉంది.