విద్యుదాఘాతంతో రైతు మృతి

విద్యాదాఘాతంతో రైతు మృతి చెందిన విషాద ఘటన సూర్యాపేట జిల్లా కందులవారిగూడెంలో చోటుచేసుకుంది. పోలీసులు కేసు నమోదు చేసుకుని దర్యాప్తు చేపట్టారు.

సూర్యాపేట జిల్లా నేరేడుచర్ల మండలం కందులవారిగూడెం గ్రామంలో విద్యుదాఘాతంతో ఓ రైతు ప్రాణాలు కోల్పోయాడు. నెల వ్యవధిలోనే ఇద్దరు రైతులు చనిపోవడం వల్ల గ్రామస్థులు ఆవేదనకు గురయ్యారు. గ్రామానికి చెందిన వేము శ్రీనివాస్ రెడ్డి రోజువారి కార్యాచరణలో భాగంగా తన వ్యవసాయ పొలం వద్దకు వెళ్లాడు. పొలానికి నీరు పెట్టడానికి మోటార్​ ఆన్​ చేసే క్రమంలో విద్యుగాఘాతానికి గురై మృతి చెందినట్లు స్థానికులు తెలిపారు.

మృతుడికి భార్య, పిల్లలు ఉన్నారు. శ్రీనివాస్ ​రెడ్డి మృతితో ఆయన కుటుంబ సభ్యులు శోకసంద్రంలో మునిగారు. పోలీసులు కేసు నమోదు చేసుకుని దర్యాప్తు చేపట్టారు.

ఇవీ చూడండి: మద్దిరాలలో ఘర్షణ.. ఒకరికి గాయాలు