ప్రమాదవశాత్తు విద్యుదాఘాతంతో రైతు మృతి

పొలం వద్ద మోటర్​ ఆన్​ చేయడానికి వెళ్లి... విద్యుదాఘాతంతో ఓ రైతు మృతి చెందాడు. ఈ ఘటన సూర్యాపేట జిల్లా పాలకవీడు మండలంలో జరిగింది.

సూర్యాపేట జిల్లా పాలకవీడు మండలంలో విద్యుదాఘాతంతో ఓ రైతు మృతి చెందాడు. గుడుగుంట్లపాలెంకు చెందిన రైతు చింతలచెర్వు శ్రీను పొలం వద్ద మోటార్​ ఆన్​ చేయడానికి వెళ్లారు. ఆ సమయంలో సర్వీస్​​ తీగ చేతికి తగలడంతో అక్కడికక్కడే మరణించాడు.

మృతుడు శ్రీనుకు భార్య, ఇద్దరు పిల్లలు ఉన్నారు. ఆయన మృతితో గ్రామంలో విషాదఛాయలు అలుముకున్నాయి. కేసు నమోదు చేసి దర్యాప్తు చేస్తున్నట్లు పోలీసులు తెలిపారు.

ఇదీ చదవండి: 'ఉద్యోగుల శ్రమతో విద్యుత్ మిగులు రాష్ట్రంగా తెలంగాణ'