ఏన్కూరులో 60 కిలోల గంజాయి పట్టివేత

ద్విచక్రవాహనంపై గంజాయి తరలించేందుకు ప్రయత్నిస్తున్న ఓ వ్యక్తిని పోలీసులు పట్టుకున్నారు. నిందితునికి సహకరించిన మరో ఇద్దరు పరారీలో ఉన్నట్టు పోలీసులు తెలిపారు. రూ.5 లక్షల విలువైన సుమారు 60 కిలోల గంజాయి స్వాధీనం చేసుకున్నట్టు వెల్లడించారు.

ఖమ్మం జిల్లా ఏన్కూరు మండలం ఇమామ్​నగర్ వద్ద అక్రమంగా నిల్వ ఉంచిన 60 కిలోల గంజాయిని... ఖమ్మం టాస్క్​ఫోర్స్​, ఏన్కూరు పోలీసులు సంయుక్తంగా పట్టుకున్నారు. తండాకు చెందిన సురేష్ అనే వ్యక్తి ఓ పాత ఇంట్లో గంజాయిని నిల్వ ఉంచి... ద్విచక్రవాహనంపై తరలించేందుకు ప్రయత్నిస్తుండగా పోలీసులు పట్టుకున్నారు.

డొంకరాయి నుంచి గంజాయి ఇక్కడకు తరలించి వివిధ ప్రాంతాలకు సరఫరా చేస్తున్నట్టు పోలీసులు విచారణలో తేలింది. దీని విలువ సుమారు రూ.5 లక్షలు ఉంటుందని తెలిపారు. సురేష్​కు సహకరించిన ఇద్దరు వ్యక్తులు పరారీలో ఉన్నట్టు పోలీసులు తెలిపారు. దాడుల్లో టాస్క్​ఫోర్స్​ ఏసీపీ వెంకట్రావ్, సీఐలు కరుణాకర్, వెంకటస్వామి, సతీష్ కుమార్, ఎస్సై శ్రీకాంత్, సిబ్బంది పాల్గొన్నారు.

ఇదీ చూడండి:నాచారం చోరీ కేసులో వెలుగులోకి కీలక విషయాలు