వీధి కుక్కల స్వైర విహారం... ముగ్గురు చిన్నారులకు గాయాలు

తుకారం గేట్​ ఠాణా పరిధిలో వీధి కుక్కలు స్వైరవిహారం చేశాయి. వేర్వేరు చోట్ల ఆడుకుంటున్న ముగ్గురు చిన్నారులపై దాడి చేశాయి. ఘటనలో ఓ పిల్లాడు తీవ్రంగా గాయపడగా... మరో ఇద్దరికి స్వల్పగాయాలయ్యాయి.

సికింద్రాబాద్​ తుకారంగేట్​ ఠాణా పరిధిలో వీధికుక్కల దాడిలో ముగ్గురు చిన్నారులు గాయపడ్డారు. స్నేహితులతో కలిసి ఇంటి ముందు ఆడుకుంటున్న చిరంజీవిపై గుంపుగా వచ్చిన కుక్కలు దాడిచేశాయి. బాలుడిని సికింద్రాబాద్​లోని ఓ ప్రైవేట్ ఆస్పత్రికి తరలించగా... అక్కడ నుంచి నిలోఫర్​కు తీసుకెళ్లారు.

అక్కడ నుంచి వెళ్లిన శునకాలు అడ్డగుట్ట శాస్త్రినగర్​లో ఇద్దరు చిన్నారులపై దాడి చేసి గాయపరిచాయి. స్వల్పంగా గాయపడిన పిల్లలను ప్రైవేట్ ఆస్పత్రికి తరలించారు. కుక్కల బెడద ఎక్కువగా ఉన్నప్పటికీ అధికారులు చర్యలు తీసుకోకుండా చోద్యం చూస్తున్నారని స్థానికులు ఆగ్రహం వ్యక్తం చేస్తున్నారు.

ఇదీ చూడండి:చెరువులో చిన్నారుల మృతదేహాలు.. అపస్మారక స్థితిలో తల్లి, మరో వ్యక్తి!