ఆత్మహత్య చేసుకోబోతున్న వ్యక్తిని 'డయల్ 100' పోలీసులు కాపాడారు. అత్యంత వేగంగా స్పందించి ప్రాణాలు కాపాడిన సిబ్బందిని డీఎస్పీ అభినందించారు. ఈ ఘటన నల్గొండ జిల్లా కేంద్రంలో జరిగింది.
వన్టౌన్ సిబ్బంది సీహెచ్ సత్యనారాయణ, సురేశ్ విధి నిర్వహణలో భాగంగా మంగళవారం రాత్రి సాగర్ రోడ్డులో ఉన్నారు. ఇంతలో వారికి 'డయల్ 100' నుంచి ఓ ఫోన్ వచ్చింది. 'ఓ వ్యక్తి ఉరి వేసుకొని ఆత్మహత్య చేసుకోబోతున్నాడు. వచ్చి కాపాడండి' అని ఫోన్ కాల్ సారాంశం. వెంటనే స్పందించిన సిబ్బంది ఘటనా స్థలానికి చేరుకుని.. ఆ వ్యక్తిని కాపాడారు.