ఏదైనా బ్యాంకులో, ఫైనాన్స్‌లో డబ్బులు ఫిక్స్‌డ్‌ డిపాజిట్ చేస్తే... కనిష్ఠంగా 5శాతం.. గరిష్ఠంగా 12 శాతం కంటే వడ్డీ రాదు. లక్ష రూపాయలు డిపాజిట్ చేస్తే... బ్యాంకులు, ఫైనాన్స్ సంస్థల నిబంధనలకు అనుగుణంగా రూ. 500 నుంచి రూ. వేయి వరకు వస్తుంది. ఐతే షేర్ ఎకానమీ అనే అప్లికేషన్ ద్వారా పెట్టుబడులు పెడితే 3 నెలల్లో మీ డబ్బు 4రెట్లు ఎక్కువ అవుతుంది. మీరు రూ.15వేలు డిపాజిట్ చేస్తే 3నెలల్లో 67వేల 500 చెల్లిస్తారు. ఇలా ఆశ చూపి దాదాపు 20వేల మంది వద్ద కోట్ల రూపాయల డిపాజిట్లు స్వీకరించిన చైనాకు చెందిన కంపెనీలు బోర్డు తిప్పేశాయి.
మొదట్లో చెల్లించినా..
అధిక వడ్డీ వస్తుందనే ఆశతో చిరు వ్యాపారుల నుంచి మొదలు ధనికుల వరకు 20వేల మంది రూ. 50కోట్ల పెట్టుబడులు పెట్టారు. అమాయకులను ఆకర్షించడానికి మొదట్లో డబ్బులు సక్రమంగా చెల్లించిన చైనా కంపెనీలు క్రమంగా పెట్టుబడులు పెరిగిన తర్వాత... కార్యకలాపాలు నిలిపేశాయి. గత నెల 25న షేర్ ఎకానమీ అప్లికేషన్ అంతర్జాలంలో కనిపించకపోవడంతో మోసపోయామని గ్రహించిన బాధితులు రాయదుర్గం ఠాణాలో ఫిర్యాదు చేశారు. ఆర్థిక నేరం కావడంతో కేసును సైబరాబాద్ ఆర్థిక నేర విభాగానికి బదిలీ చేశారు. కేసు నమోదు చేసుకొని దర్యాప్తు చేపట్టిన అధికారులు ముగ్గురు నిందితులను అరెస్ట్ చేసి 4 ల్యాప్‌టాప్లు, 10 బ్యాంకు ఖాతాల్లో ఉన్న రూ.3కోట్లు తాత్కాలికంగా జప్తు చేశారు. నిందితుల్లో దిల్లీకి చెందిన ప్రతాప్, రాజేశ్, నితీశ్ తెర మీద ఉండగా... తెర వెనక చైనాకు చెందిన జాంగ్‌హాంగ్ వెయ్, పెంగ్ గౌవెయ్ ఉన్నట్లు దర్యాప్తులో తేలింది.
కాగితాల కంపెనీలు