ఒక్కొక్కరి వద్ద రూ.1000 నుంచి 2వేలు.. మొత్తం 30 లక్షలు

షేక్ సిద్ధ సాహెబ్ ఎంబీఏ పూర్తి చేశాడు. మల్కాజిగిరిలో ఉంటూ స్నేహితుడితో కలిసి కన్సల్టెన్సీ ఏర్పాటు చేశాడు. తన భార్యను టెలీకాలర్​గా పెట్టుకున్నాడు. పేపర్లో చిన్నచిన్న ఉద్యోగాలకు ప్రకటనలు ఇచ్చి ఒక్కొక్కరివద్ద సుమారు రూ.1000 నుంచి 2వేల వరకు వసూలు చేశాడు. ఇలా సుమారు రెండు వేల మందిని మోసం చేశాడు సాహెబ్. చివరికి చిన్న మొత్తాలతో భారీ మోసం చేస్తోన్న కన్సల్టెన్సీ గుట్టు ఇలా రట్టయింది.

ఉన్నత చదువు చదివి సక్రమమైన మార్గంలో నడవాల్సిన వ్యక్తి.. ఉద్యోగాల పేరుతో దాదాపుగా 2000 మందిని మోసం చేశాడు. సుమారు రూ.30లక్షల వరకు కాజేసిన ఆ వ్యక్తిని పేట్ బషీరాబాద్ పోలీసులు అరెస్ట్ చేశారు. నిందితుడి వద్ద లక్ష రూపాయల నగదు, రెండు ఫోన్లు, మూడు క్రెడిట్, డెబిట్ కార్డులు స్వాధీనం చేసుకుని రిమాండ్​కు తరలించారు.

ఆంధ్రప్రదేశ్ కృష్ణాజిల్లాకు చెందిన షేక్ సిద్ధ సాహెబ్ 2012లో ఎంబీఏ పూర్తి చేశాడు. నగరంలోని మల్కాజిగిరిలో ఉంటూ స్నేహితుడితో కలిసి కన్సల్టెన్సీ ఏర్పాటు చేశాడు. తన భార్యను టెలీకాలర్​గా పెట్టుకున్నాడు. పేపర్లో చిన్నచిన్న ఉద్యోగాలకు ప్రకటనలు ఇచ్చి ఒక్కొక్కరివద్ద సుమారు రూ.1000 నుంచి 2వేల వరకు వసూలు చేశాడు.

కొంపల్లికి చెందిన సత్యనారాయణ పేపర్లో ప్రకటన చూసి ఉద్యోగం కోసం ఫోన్ చేశాడు. వారు కొంత డబ్బు చెల్లించమనడంతో రూ.1900 చెల్లించాడు. డబ్బు తీసుకున్న కన్సల్టెన్సీ వారు స్పందించడంలేదంటూ పోలీసులకు ఫిర్యాదు చేశారు. నిందితుడిని అదుపులోకి తీసుకున్న పోలీసులు తమదైన శైలిలో విచారించగా అసలు విషయం బయటకు వచ్చింది. ఈ ఘటనలో ఇద్దరు పరారీలో ఉన్నట్లు పోలీసులు తెలిపారు.

ఇదీ చూడండి:రూ.కోటి పైగా విలువైన గంజాయి పట్టివేత.. వాహనాలు సీజ్​