మహిళను టార్గెట్​ చేశాడు.. తానే టార్గెట్​గా మారాడు..

షాపులో తన పని తాను చేసుకుంటున్న మహిళను ఓ దొంగ టార్గెట్​ చేశాడు. కళ్లలో కారం కొట్టి బంగారు గొలుసు కొట్టేద్దామనుకున్నాడు. కానీ సీన్​ రివర్స్​ అయింది. చోరీ చేస్తుండగా చెత్తబుట్టతో మహిళ తిరగపడింది. మహిళకే దొంగ టార్గెట్​ అయ్యాడు. ఇక చేసేది లేక పారిపోయేందుకు ప్రయత్నించాడు. స్థానికులు మాత్రం వెంబడించి పట్టుకుని మరీ దేహశుద్ధి చేశారు.

మేడ్చల్​ జిల్లా జీడిమెట్ల పీఎస్​ పరిధి చింతల్​లోని "భాను టాయిస్ వరల్డ్​" షాపులో యజమానురాలు ఉర్మిళాదేవి కౌంటర్ మీద తన పని తాను చేసుకుంటుంది. ఓ గుర్తు తెలియని వ్యక్తి ఆటోలో వచ్చి ఉర్మిళా దేవి కళ్లలో కారం కొట్టాడు. అనంతరం ఆమె మెడలో ఉన్న బంగారు గొలుసును లాకెళ్లడానికి ప్రయత్నించగా.. ఆమె తేరుకొని తన వద్ద ఉన్న చెత్తబుట్టతో చైన్ స్నాచర్​పై తిరగపడింది.

దొంగతనానికి వచ్చిన సాధక్​

దీంతో ఆమెను వదిలేసి దొంగ పారిపోతుండగా.. స్దానికులు వెంబడించి పట్టుకున్నారు. దేహశుద్ధి చేసి పోలీసులకు సమాచారం ఇచ్చారు. ఘటనా స్థలానికి చేరుకున్న పోలీసులు దొంగను అదుపులోకి తీసుకుని దర్యాప్తు చేస్తున్నారు. నిందితుడి పేరు సాధక్​గా గుర్తించారు.

ఇదీ చదవండి:సిలిండర్ల దొంగ దొరికాడు