ఏపీ కడప జిల్లా తొండూరు మండలం మల్లెల ఘాట్ సమీపంలో మంగళవారం రాత్రి కారుతో సహా ఓ వ్యక్తి సజీవ దహనం అయ్యాడు. మృతుడు ప్రొద్దుటూరుకి చెందిన షేక్ నూర్ మహమ్మద్గా గుర్తించారు. కారు మెకానిక్గా పని చేసిన నూర్ మహమ్మద్... పులివెందులలో ఒక వాహనం మరమ్మతుకు వెళ్తుండగా ఈ ఘటన జరిగినట్లు సమాచారం. అనుమానాస్పద మృతిగా.. ఎస్సై చంద్రశేఖర్ కేసు నమోదు చేసి దర్యాప్తు చేపట్టారు.
కారుతో సహా వ్యక్తి సజీవదహనం... ప్రమాదమా.. హత్యా?
ఆంధ్రప్రదేశ్ కడప జిల్లా మల్లెల ఘాట్ వద్ద కారుతో సహా ఓ వ్యక్తి సజీవ దహనమయ్యాడు. మృతుడు కార్ మెకానిక్గా పనిచేసే వ్యక్తిగా పోలీసులు గుర్తించారు.
car
ఎన్నో అనుమానాలు
ప్రొద్దుటూరు - పులివెందుల మధ్య 66 కిలోమీటర్ల దూరం ఉండగా.. మహమ్మద్ అర్థరాత్రి వేళ బయలుదేరాల్సిన అవసరం లేదు. కారులోనే వ్యక్తి బూడిదయ్యేలా మంటలు వచ్చాయంటే.. కనీసం రెండు గంటలు పాటు కారు అగ్నికి ఆహుతి అయ్యి ఉండాలి. ఈ మార్గంలో నిత్యం లారీలు, బస్సులు రాకపోకలు ఉంటాయి. ఆ సమయంలో కారు కాలిపోవటం ఎవరూ చూడకపోవటం విచిత్రంగా ఉంది. కారులో ఉష్ణోగ్రత పెరిగితే.. హీటర్ సిగ్నల్ డ్రైవర్కు తెలుస్తుంది.. కానీ కారు దగ్ధమయ్యేంత ఉష్ణోగ్రత వచ్చినా, నూర్ మహమ్మద్కు తెలియలేదా.. అసలేం జరిగింది.. అన్నది పోలీసులు తేల్చే పనిలో ఉన్నారు.
- ఇదీ చూడండి:భవనంపై పుర్రె.. ఎక్కడిది.. ఎవరిదై ఉంటుంది?