ద్విచక్రవాహనాన్ని ఢీకొన్న కారు.. వ్యక్తి మృతి

కారు ఢీకొనగా ద్విచక్రవాహనంపై ఉన్న వ్యక్తి మరణించిన ఘటన నాగర్​కర్నూలు జిల్లా కల్వకుర్తి పరిధిలోని ఎల్​ఐసీ కార్యాలయ సమీపంలో జరిగింది. మార్చాలలో నివాసమున్న మృతుడు కల్వకుర్తిలో ఉన్న తన కూతురు వద్దకు వెళ్తుండగా ఘటన జరిగింది.

నాగర్​కర్నూలు జిల్లా కల్వకుర్తి పురపాలిక పరిధిలోని ఎల్​ఐసీ కార్యాలయ సమీపంలో కారు ఢీకొని ద్విచక్రవాహనంపై ప్రయాణిస్తున్న వ్యక్తి మరణించాడు. కల్వకుర్తి మండలంలోని మార్చాల గ్రామానికి చెందిన జానిమియా ప్రమాదంలో మరణించాడు. మార్చాల నుంచి కల్వకుర్తిలో నివాసముంటున్న తన కూతురు వద్దకు పాలు తీసుకొస్తుండగా ఎల్​ఐసీ కార్యాలయం సమీపంలో వెనుక నుంచి కారు ఢీకొంది.

ప్రమాదం చేసిన కారు కల్వకుర్తిలో లభించింది. కారు నడిపిన వ్యక్తిని గుర్తించేందుకు ప్రయత్నం చేస్తున్నట్లు కల్వకుర్తి ఎస్సై మహేందర్​ తెలిపారు. కుటుంబసభ్యుల ఫిర్యాదు మేరకు అధికారులు కేసు నమోదు చేసుకుని దర్యాప్తు చేస్తున్నట్లు ఆయన వివరించారు.

ఇదీ చూడండి: లైవ్​ వీడియో: రెండు ద్విచక్ర వాహనాలు ఢీ.. ఇద్దరు మృతి