మద్యం మత్తులో డ్రైవింగ్.. మూడు పల్టీలు కొట్టిన కారు

మద్యం మత్తులో కారును అతివేగంగా నడుపుతూ బోల్తాపడి భార్యాభర్తలు స్వల్పగాయాలతో బయటపడిన ఘటన మాదాపూర్​ పోలీస్​ స్టేషన్​ పరిధిలో చోటు చేసుకుంది.

మాదాపూర్​ పోలీస్​ స్టేషన్​ పరిధిలో అర్ధరాత్రి ఓ కారు అదుపు తప్పి పల్టీలు కొట్టింది. మద్యం మత్తులో వాహనం నడపడం వల్లే ప్రమాదం సంభవించిందని పోలీసులు చెప్తున్నారు. శంషాబాద్​కు చెందిన భార్యాభర్తలు అర్ధరాత్రి మద్యం సేవించి.. మాదాపూర్​ ఐకియా అండర్​పాస్​ గుండా ప్రయాణిస్తున్నారు.

అండర్​పాస్​ సమీపానికి రాగానే.. కారు ఒక్కసారిగా అదుపు తప్పి.. పల్టీలు కొట్టింది. ఈ ప్రమాదంలో భార్యాభర్తలిద్దరికి స్వల్ప గాయాలయ్యాయి. ప్రస్తుతం వీరు ఆస్పత్రిలో చికిత్స పొందుతూ ఆరోగ్యం నిలకడగానే ఉన్నట్టు వైద్యులు తెలిపారు. పోలీసులు కేసు నమోదు చేసుకొని దర్యాప్తు చేస్తున్నారు.

ఇదీ చూడండి:సేవను సరిహద్దులు దాటించిన తెలుగు తేజాలు.!