నిద్ర మత్తులో స్వాగత తోరణాన్ని ఢీకొట్టిన కారు.. ఒకరు మృతి

నిద్ర మత్తులో కారు నడుపుతూ స్వాగత తోరణాన్ని ఢీ కొన్న ఘటన పెద్దపల్లి జిల్లాలో చోటుచేసుకుంది. ఈ ఘటనలో ఒకరు మృత్యువాత పడగా ముగ్గురికి తీవ్ర గాయాలయ్యాయి.

పెద్దపల్లి జిల్లా పెద్ద కల్వల గ్రామం వద్ద జరిగిన రోడ్డు ప్రమాదంలో ఒకరు మృతి చెందగా ముగ్గురికి తీవ్రగాయాలయ్యాయి. పెద్దపల్లి మండలంలోని పురపాలికకు చెందిన స్వాగత తోరణాన్ని హైదరాబాద్​ వైపు వెళ్తున్న కారు ఢీ కొంది. ప్రమాదంలో మంచిర్యాలకు చెందిన సురేష్​ అక్కడికక్కడే మృతి చెందాడు.

క్షతగాత్రులను ప్రయాణికులు చికిత్స నిమిత్తం ఆస్పత్రికి తరలించారు. ప్రమాదానికి డ్రైవర్​ నిద్రమత్తు కారణమని స్థానికులు భావిస్తున్నారు.

ఇదీ చదవండి:రీఛార్జ్ చేసుకోమన్నారు.. డబ్బు కాజేశారు...