ఆగిఉన్న బైకు ఢీకొన్న బస్సు... మహిళ అక్కడికక్కడే మృతి

ఆగిఉన్న ద్విచక్రవాహనాన్ని ఓ ఆర్టీసీ బస్సు ఢీకొన్న ఘటనలో మహిళ అక్కడికక్కడే మృతి చెందగా... మరోకరు తీవ్రంగా గాయపడ్డారు. ఈ ప్రమాదం రాజేంద్రనగర్​ పరిధిలోని రాఘవేంద్ర కాలనీ వద్ద జరిగింది.

రంగారెడ్డి జిల్లా రాజేంద్రనగర్ పోలీస్​స్టేషన్ పరిధిలోని రాఘవేంద్ర కాలనీ వద్ద ఘోర రోడ్డు ప్రమాదం జరిగింది. రోడ్డుపై ఆగివున్న ద్విచక్రవాహనాన్ని వేగంగా వచ్చిన ఆర్టీసీ బస్సు ఢీకొంది. ఈ ఘటనలో బైక్​పై పైన ఉన్న మహిళ అక్కడికక్కడే మృతి చెందగా... మరో వ్యక్తికి తీవ్ర గాయాలయ్యాయి.

డ్రైవర్ మద్యం మత్తులో బస్సును నడపడం వల్లనే ప్రమాదం జరిగిందని బాధితులు ఆరోపించారు. స్థానికులు ఆర్టీసీ బస్సు అద్దాలు ధ్వంసం చేసి.. ఆందోళనకు దిగారు. డ్రైవర్​కు దేహశుద్ధి చేసి పోలీసులకు అప్పగించారు. కేసు నమోదు చేసిన పోలీసులు దర్యాప్తు చేస్తున్నారు.

ఇవీ చూడండి: మంత్రి హరీశ్‌రావుకు కరోనా పాజిటివ్