వరంగల్ గ్రామీణ జిల్లా వర్ధన్నపేట మండలం కట్య్రాల గ్రామ శివారు ఉప్పారపెళ్లి క్రాస్ రోడ్డు వద్ద రోడ్డు ప్రమాదం చోటుచేసుకుంది. బైక్పై వెళ్తున్న అక్కాతమ్ముళ్లను ట్రాక్టర్ ఢీకొట్టింది. ఘటనలో అక్క అక్కడికక్కకే మృతి చెందగా.. తీవ్ర గాయాలతో కొట్టుమిట్టాడుతున్న తమ్ముడిని ఆసుపత్రికి తరలించే క్రమంలో మరణించాడు.
మరణంలోనూ వీడని బంధం: రోడ్డుప్రమాదంలో అక్కాతమ్ముళ్ల మృతి - వరంగల్ గ్రామీణ జిల్లా నేర వార్తలు
పది నిమిషాల్లో ఇల్లు చేరాల్సిన అక్కాతమ్ముళ్లను మృత్యువు కబళించింది. ట్రాక్టర్ రూపంలో వారి ప్రాణాలను బలితీసుకుంది. కుటుంబంలో తీరని విషాదాన్ని మిగిల్చింది. ఈ హృదయ విదారక ఘటన వరంగల్ గ్రామీణ జిల్లాలో చోటుచేసుకుంది.
మరణంలోనూ వీడని బంధం: రోడ్డుప్రమాదంలో అక్కాతమ్ముళ్ల మృతి
విషయం తెలుసుకున్న పోలీసులు ఘటనా స్థలికి చేరుకున్నారు. మృతులది పర్వతగిరి మండలం గోపన్నపల్లి గ్రామంగా గుర్తించారు. ఈ మేరకు కేసు నమోదు చేసుకుని దర్యాప్తు చేస్తున్నారు. ఒకే కుటుంబానికి చెందిన అక్కా తమ్ముడు మృతి చెందటం వల్ల గ్రామంలో విషాద ఛాయలు అలుముకున్నాయి.
ఇదీచూడండి.. దొంగ అనుకొని కొ‌ట్టాడు.. ప్రాణం తీశాడు