గుర్తు తెలియని మహిళ మృతదేహం లభ్యం..!

సనత్​నగర్​ ఠాణా పరిధిలో ఓ గుర్తు తెలియని మహిళ మృతదేహాన్ని పోలీసులు గుర్తించారు. కేసు నమోదు చేసి దర్యాప్తు చేపట్టారు.

హైదరాబాద్​లోని సనత్​నగర్​​ ఠాణా పరిధిలో గుర్తు తెలియని మహిళ మృతదేహం లభ్యమైంది. సనత్​నగర్​ ఫుట్​పాత్​పై ఓ మహిళ పడిపోయి ఉండడాన్ని గమనించిన స్థానికులు 100కు ఫోన్​ చేశారు. సంఘటనా స్థలానికి చేరుకున్న పోలీసులు దర్యాప్తు చేపట్టారు.

ఆ మహిళ ఎవరు అనే విషయంపై దర్యాప్తు చేపట్టిన పోలీసులకు ఎలాంటి సమాచారం లభించలేదు. కేసు నమోదుచేసి మృతదేహాన్ని పోస్టుమార్టం నిమిత్తం గాంధీ హాస్పిటల్​కు పోలీసులు తరలించారు.

ఇదీ చదవండి:తెలుగు ర్యాప్ గీతాలతో ఆకట్టుకుంటున్న 'రైవల్‌ మాబ్‌'