లైవ్ వీడియో: తిరగబడ్డ బోటు.. రక్షించిన సహాయక సిబ్బంది

భారీ వర్షాలతో హైదరాబాద్​ నగరం అతలాకుతలమైంది. లోతట్టు ప్రాంతాలన్నీ జలదిగ్బంధంలో చిక్కుకున్నాయి. ఈ క్రమంలో టోలీచౌకీ విరాసత్​నగర్​లో వరద నీటిలో చిక్కుకున్న బాధితులను తరలిస్తుండగా.. ఒక్కసారిగా బోటు తిరగబడింది. ఊహించని పరిణామంతో అంతా ఒక్కసారిగా ఉలిక్కిపడ్డారు.

హైదరాబాద్‌ టోలీచౌకి విరాసత్‌నగర్‌లో సహాయక చర్యల్లో అనుకోని ఘటన చోటుచేసుకుంది. వరదలో చిక్కుకున్న బాధితుల్ని తరలించే బోటు ఉన్నట్టుండి తిరగబడింది. అపార్ట్‌మెంట్‌లో ఉన్నవారిని ఎన్డీఆర్​ఎఫ్​ సిబ్బంది బోటులో కూర్చోబెట్టి బయలుదేరుతున్న సమయంలో బరువు ఎక్కువై.. బోటు తిరగబడింది.

ఊహించని పరిణామంతో.. అంతా ఉలిక్కిపడ్డారు. చివరకు సహాయక సిబ్బంది బాధితుల్ని రక్షించి.. సురక్షిత ప్రాంతానికి చేర్చారు.