ఆంధ్రప్రదేశ్ విజయవాడ నగర శివారు రామవరప్పాడులో దారుణం చోటుచేసుకుంది. బ్లేడ్ బ్యాచ్ ముఠా సభ్యుడు ఓ యువకుడి గొంతుకోసి హత్యాయత్నానికి పాల్పడ్డాడు. వివరాల్లోకి వెళితే... హనుమాన్ నగర్ శివారు పొలాల్లో గంజాయి సేవించిన నలుగురు యువకుల మధ్య ఘర్షణ తలెత్తింది. ఘర్షణలో సురేంద్ర అనే యువకుడిపై సాహో అలియాస్ సాయి అనే వ్యక్తి బ్లేడ్తో తీవ్రంగా దాడి చేశాడు. సురేంద్ర చనిపోతాడనే భయంతో అతని చొక్కాని మెడకు చుట్టి సమీపంలోని అపార్ట్మెంట్ లిప్ట్లో వదిలి వెళ్లాడు.
బ్లేడ్ బ్యాచ్ ఘాతుకం.. యువకుడి గొంతు కోసి...
బ్లేడ్ బ్యాచ్ ముఠా సభ్యుడు ఓ యువకుడి గొంతుకోసి హత్యాయత్నానికి పాల్పడ్డిన ఘటన ఏపీ విజయవాడ నగర శివారు రామవరప్పాడులో చోటుచేసుకుంది. ప్రస్తుతం బాధితుడు ఆసుపత్రిలో చికిత్స పొందుతున్నాడు. దారుణానికి ఒడిగట్టింది స్థానికంగా ఉన్న బ్లేడ్ బ్యాచ్ సభ్యులు సాహో అతని స్నేహితులుగా పోలీసులు గుర్తించారు.
విజయవాడ: యువకుడి గొంతు కోసిన బ్లేడ్ బ్యాచ్
రక్తపు మడుగులో కొన ఊపిరితో ఉన్న సురేంద్రను గమనించిన స్థానికులు ఆసుపత్రికి తరలించారు. ఘటనాస్థలికి చేరుకున్న పోలీసులు దారుణానికి ఒడిగట్టింది స్థానికంగా ఉన్న బ్లేడ్ బ్యాచ్ సభ్యులు సాహో అతని స్నేహితులుగా గుర్తించారు.
ఇదీచదవండి:నేడు టీఎస్‌బీపాస్‌ వెబ్‌సైట్‌ను ప్రారంభించనున్న కేటీఆర్‌