డివైడర్​ను ఢీకొట్టిన బైక్​.. ఒకరు మృతి

ద్విచక్రవాహనం మీద ముగ్గురు వ్యక్తులు వెళ్తుండగా.. అదుపుతప్పి బైక్​ డివైడర్​ను ఢీకొట్టింది. ఈ ఘటనలో ఓ వ్యక్తి అక్కడిక్కడే మృతి చెందాడు.

వనపర్తి జిల్లా పెద్దమందడి మండలం 44వ జాతీయ రహదారి వద్ద రోడ్డు ప్రమాదం చోటుచేసుకుంది. వెల్దుర్తికి చెందిన సుబాన్​(22), శివ, కృష్ణ ముగ్గురు వ్యక్తులు ద్విచక్రవాహనం మీద గ్రామానికి వెళ్తుండగా... మోజర్ల వద్దకు రాగానే బైక్​ అదుపు తప్పి డివైడర్​ను ఢీకొట్టింది. ఈ ఘటనలో సుబాన్​ అక్కడిక్కడే మృతి చెందాడు. శివ, కృష్ణకు తీవ్రగాయాలు అయ్యాయి. చికిత్స కోసం 108లో వనపర్తి ప్రాంతీయ ఆసుపత్రికి తరలించారు. ఘటనపై పోలీసులు కేసు నమోదు చేసుకుని దర్యాప్తు చేస్తున్నారు.

ఇదీ చదవండి:'చిరంజీవి, బాలకృష్ణ మధ్య భేదాభిప్రాయాలు లేవు'