అదుపుతప్పిన ద్విచక్రవాహనం... ఇద్దరికి తీవ్ర గాయాలు

కుమురంభీం ఆసిఫాబాద్ జిల్లా కాగజ్​​నగర్​లో ద్విచక్రవాహనం అదుపుతప్పి ఇద్దరు యువకులకు తీవ్రగాయాలయ్యాయి. ముగ్గురు స్నేహితులు ఒకే ద్విచక్రవాహనంపై వెళ్తుండగా ఘటన జరిగింది. గాయాలపాలైన ఇద్దరిని స్థానిక ప్రైవేటు ఆస్పత్రికి తరలించారు.

కుమురంభీం ఆసిఫాబాద్ జిల్లా కాగజ్​నగర్ పట్టణంలో ద్విచక్రవాహనం అదుపు తప్పి ఇద్దరు యువకులు తీవ్రగాయాల పాలయ్యారు. కాగజ్​నగర్ పట్టణం అశోక్ కాలనీ, సంఘం బస్తీకి చెందిన హరికృష్ణ, సురేశ్, భాను స్నేహితులు. ముగ్గురూ ఒకే ద్విచక్రవాహనంపై ఈస్గాం నుంచి కాగజ్​నగర్ వైపు వెళ్తుండగా ఆర్ఆర్ఓ కాలనీ వద్ద ప్రమాదానికి గురై గుంతలో పడ్డారు.

ఈ ఘటనలో ఇద్దరు యువకులకు తీవ్రగాయాలయ్యాయి. వారిని స్థానిక ప్రైవేటు ఆస్పత్రికి తరలించారు. ఎస్ఐ వెంకటేష్ కేసు నమోదు చేసుకొని దర్యాప్తు చేపట్టారు.

ఇదీ చదవండి:కరోనా మృతదేహంతోనే మరొకరి భౌతికకాయం.. కుటుంబసభ్యుల్లో భయంభయం