రూ.4 లక్షల విలువైన నిషేధిత గుట్కా స్వాధీనం..

వరంగల్​లో నిషేధిత పొగాకు ఉత్పత్తుల విక్రయాలకు పాల్పడుతున్న మహబూబాబాద్​ జిల్లా వాసిని వర్ధన్నపేట పోలీసులు అరెస్టు చేశారు. నిందితుడి నుంచి రూ. 4 లక్షల విలువ చేసే గుట్కా, నగదు స్వాధీనం చేసుకున్నారు. సులభంగా డబ్బు సంపాదించాలనే ఆశతో నిందితుడు ఇలాంటి అక్రమాలకు పాల్పడినట్లు పోలీసులు తెలిపారు.

వరంగల్​లో నిషేధిత పొగాకు ఉత్పత్తుల విక్రయాలకు పాల్పడుతున్న వ్యక్తిని వరంగల్​ గ్రామీణ జిల్లా వర్ధన్నపేట పోలీసులు అరెస్టు చేశారు. నిందితుడు మహబూబాబాద్ జిల్లా తొర్రూర్ మండల కేంద్రానికి చెందిన పాము శ్రీనివాస్​గా పోలీసులు గుర్తించారు. అతడి నుంచి రూ. 4 లక్షల విలువైన గుట్కా, అంబర్ ప్యాకెట్లు వున్న తొమ్మిది బ్యాగులు, ఒక కారు, రూ. 49,480 మొత్తాన్ని పోలీసులు స్వాధీనం చేసుకున్నారు.

నిందితుడు సులభంగా డబ్బు సంపాదించాలనే ఆలోచనతో కర్నాటకలోని బీదర్​లో పెద్ద మొత్తంలో పొగాకు ఉత్పత్తులను కొనుగోలు చేసినట్లు పోలీసులు తెలిపారు. హైదరాబాదు, సూర్యాపేట, తొర్రూరు మీదుగా వరంగల్ నగరంలో గుట్కా, అంబర్ నిషేధిత ఉత్పత్తులు సరఫరా చేస్తున్నాడు. ఈ క్రమంలో వర్ధన్నపేట పోలీసులు ఇల్లంద గ్రామ శివారు ప్రాంతంలో తనీఖీలు నిర్వహించి అక్రమంగా కారులో తరలిస్తున్న నిషేధిత పొగాకు ఉత్పత్తులను స్వాధీనం చేసుకున్నారు. కారును సీజ్ చేసి ఇద్దరు వ్యక్తులపై కేసు నమోదు చేశారు.

ఇదీ చదవండి:చెరువులో శిశువు మృతదేహం లభ్యం..