సీఐ, హెచ్​కానిస్టేబుళ్ల బెయిలు రద్దు అప్పీలు...

ఏపీలో భార్యాపిల్లలతో సహా ఆత్మహత్య చేసుకున్న అబ్దుల్ సలాం కేసులో నిందుతులకు ఈ నెల 9న బెయిల్ మంజూరైంది. అయితే సీఐ, హెడ్​కానిస్టేబుళ్ల బెయిలు రద్దు చేయాలని కోరుతూ రాష్ట్ర ప్రభుత్వం చేసిన అప్పీలుపై తీర్పు ఈ నెల 16కు వాయిదా పడింది.

ఆంధ్రప్రదేశ్​ కర్నూలు జిల్లా నంద్యాలలో సస్పెన్షన్​కు గురైన సీఐ సోమశేఖర్​రెడ్డి, హెడ్​కానిస్టేబుల్ గంగాధర్​ల బెయిలును రద్దు చేయాలని కోరుతూ ఏపీ ప్రభుత్వం చేసిన అప్పీలుపై తీర్పు ఈ నెల 16కు వాయిదా పడింది. గురువారం జిల్లా సెషన్స్ కోర్టు జడ్జి మోకా సువర్ణరాజు దీనిపై విచారణ చేపట్టారు.

సోమశేఖర్​రెడ్డి తరపున న్యాయవాది జయరామిరెడ్డి కౌంటర్ దాఖలుకు సమయం కోరారు. మరో వైపు గంగాధర్ తరపున న్యాయవాది లేకపోవడంతో తీర్పును వాయిదా వేశారు. భార్యాపిల్లలతో సహా ఆత్మహత్య చేసుకున్న అబ్దుల్ సలాం కేసులో నిందుతులకు ఈ నెల 9న బెయిల్ మంజూరైంది.

• ఇవీ చూడండి:'తెలంగాణ మహిళా పోలీసులు దేశానికే ఆదర్శం'