రంగారెడ్డి జిల్లా బాలాపూర్ పోలీస్ స్టేషన్‌ పరిధిలోని షాహీన్ నగర్ ప్రాంతంలో మహేశ్వరం కాంగ్రెస్ నేత అబ్దుల్ రవుఫ్‌పై దాడి జరిగింది. మాజీ ఎంపీ కొండ విశ్వేశ్వర్ రెడ్డి, టీపీసీసీ జనరల్ సెక్రటరీ ఉజ్మా శాకిర్, సీనియర్ నేతలతో కలిసి గాయపడిన అబ్దుల్ రవుఫ్‌ను పరామర్శించారు. బాలపూర్ పోలీస్ స్టేషన్‌కు వెళ్లి... ఈ ఘటనకు పాల్పడిన వారిపై కఠిన చర్యలు తీసుకోవాలని సీఐ భాస్కర్‌ను కోరారు. హత్యాయత్నం కింద పోలీసులు కేసు నమోదు చేసుకొని, దర్యాప్తు చేస్తున్నట్లు తెలిపారు.
వరద బాధితులకు ప్రభుత్వం అందిస్తున్న సాయం రూ.10వేలలో అవకతవకలు జరుగుతున్నాయని కొండ విశ్వేశ్వర్ రెడ్డి తెలిపారు. దానిని వెలుగులోకి తీసుకురావడానికి ప్రయత్నిస్తుండగా... అది సహించక దాడి చేశారని ఆరోపించారు.