వాట్సాప్​లో వేధింపులు.. చివరికి కటకటాలు

స్నేహితురాలు తనతో మాట్లాడటం లేదని కక్ష పెంచుకున్నాడు. వాట్సాప్​ ద్వారా వేధింపులకు దిగాడు. బాధితురాలు ఫిర్యాదుతో చివరికి కటకటాల పాలయ్యాడు.

స్నేహితురాలు తనతో మాట్లాడటం లేదని కక్షతో వాట్సాప్​లో అసభ్యకరంగా సందేశాలు పంపుతూ వేధిస్తున్న రోహిత్ ఆర్యన్ అనే యువకుడిని రాచకొండ సైబర్ క్రైమ్ పోలీసులు అరెస్ట్ చేశారు. గతంలో ఇద్దరూ పంజాగుట్టలోని ఓ ప్రైవేటు కంపెనీలో పనిచేశారు. అప్పుడు ఇద్దరి మధ్య స్నేహం ఏర్పడింది.

ఆరు నెలలుగా ఇద్దరి మధ్య విభేదాలు రావడం వల్ల యువతి అతనితో మాట్లాడటం మానేసింది. కక్ష్య పెంచుకున్న ఆర్యన్... వాట్సాప్​లో అసభ్యకరంగా సందేశాలు పంపుతూ వేధిస్తున్నాడు. దీంతో యువతి రాచకొండ సైబర్ క్రైం పోలీసులకు ఫిర్యాదు చేసింది. దర్యాప్తు చేసిన పోలీసులు కడప జిల్లా జమ్మలమడుగుకి చెందిన రోహిత్​ ఆర్యన్​ను అరెస్ట్ చేసి రిమాండ్​కి తరలించారు.