సీఎం కేసీఆర్ ఎక్కడంటూ ప్రగతిభవన్ వద్ద ప్లకార్డు పట్టుకొని హల్చల్ చేసిన యువకుడిని టాస్క్‌ఫోర్స్‌ పోలీసులు అదుపులోకి తీసుకున్నారు. బి.ఎన్.రెడ్డి నగర్లో అతడిని అరెస్టు చేశారు.
ఏం జరిగిందంటే..
ప్రగతిభవన్ ముందు హల్చల్ చేసిన యువకుడి అరెస్ట్
ప్రగతిభవన్ వద్ద ప్లకార్డు పట్టుకొని హల్చల్ చేసిన యువకుడిని పోలీసులు అదుపులోకి తీసుకున్నారు. యువజన కాంగ్రెస్ కార్యకర్త సాయిబాబాగా గుర్తించారు. ఈ మేరకు కేసు నమోదు చేసి విచారిస్తున్నారు.
ప్రగతిభవన్ వద్ద హల్చల్ చేసిన యువకుడు అరెస్ట్
బి.ఎన్.రెడ్డి నగర్‌కు చెందిన కోట్ల సాయిబాబా బుధవారం తన స్నేహితుడు కృతిక్తో కలిసి ద్విచక్ర వాహనంపై ప్రగతిభవన్ వద్దకు చేరుకున్నాడు. సీఎం కేసీఆర్ ఎక్కడ అంటూ తన వెంట తెచ్చుకున్న ప్లకార్డు పట్టుకొని హల్చల్ చేశాడు. పోలీసులు పట్టుకునే లోపు అక్కడి నుంచి పరారయ్యాడు.
ఫలితంగా రంగంలోకి దిగిన టాస్క్‌ఫోర్స్‌ పోలీసులు సాయిబాబా, అతని స్నేహితుడు కృతిక్ను అదుపులోకి తీసుకున్నారు. యువజన కాంగ్రెస్‌కు చెందిన కార్యకర్తలుగా గుర్తించారు. వీరిద్దరిపై కేసు నమోదు చేసి విచారణ జరుపుతున్నారు.