ప్రేయసి దూరమవుతోందనే మనోవేదనతో అనంతపురానికి చెందిన ఓ యువకుడు కెనడాలో ఆత్మహత్యకు పాల్పడ్డాడు. మృతుని కుటుంబసభ్యులు, నాలుగో పట్టణ సీఐ శ్రీనివాసులు తెలిపిన వివరాలు వెల్లడించారు. అనంతపురంలోని కోవూరు నగర్‌కు చెందిన నారాయణ స్వామి కుమారుడు ప్రణయ్‌ (29) గత రెండేళ్లుగా కెనడాలో ఉంటున్నాడు. అక్కడే ఏపీకి చెందిన ఓ యువతితో పరిచయం ఏర్పడింది. గత ఆరునెలలుగా వీరిద్దరూ సన్నిహితంగా ఉంటున్నారు. ఈ క్రమంలో పెళ్లి చేసుకోవాలని నిర్ణయించుకున్నారు. విషయాన్ని ఇరు కుటుంబాల తల్లిదండ్రులకు తెలియజేయడంతో వారు అంగీకరించి కరోనా పరిస్థితుల తర్వాత పెళ్లి చేయాలని నిర్ణయించారు. ఇంతలోనే కెనడాలో వివాహ రిజిస్ట్రేషన్‌ కోసం దరఖాస్తు చేసుకున్నారు.
ప్రేయసి మోసం చేసిందన్న కారణంతో యువకుడు ఆత్మహత్య
అనంతపురానికి చెందిన ప్రణయ్‌ అనే యువకుడు కెనడాలో ఆత్మహత్య చేసుకున్నాడు. ఓ యువతి తనను మోసం చేసిందని అందుకే భరించలేక చనిపోతున్నాని ...ఓ వీడియోను తలిదండ్రులకు పంపి, సామాజిక మాధ్యమాల్లో పోస్టు చేశాడు.
ప్రేయసి మోసం చేసిందన్న కారణంతో యువకుడు ఆత్మహత్య
అయితే అక్టోబర్‌ 11 నుంచి ప్రణయ్‌, ఆ యువతి మధ్య అభిప్రాయబేధాలు ఏర్పడ్డాయి. ఆ తర్వాత యువతికి అమెరికా వెళ్లేందుకు వీసా లభించింది. అమెరికా వెళ్తున్నందున వివాహాన్ని వాయిదా వేసుకున్నట్లు యువతి చెప్పింది. అప్పటి నుంచి తనకు ప్రేయసి దూరమవుతోందని.. దీనికి తోడు మరో యువకుడితో పరిచయాలు కొనసాగిస్తోందని ప్రణయ్‌ భావించాడు. ఈ క్రమంలో మనోవేదనకు గురైన ప్రణయ్‌.. విష వాయువు పీల్చి ఆత్మహత్యకు పాల్పడ్డాడు. మృతదేహం శనివారం అనంతపురం చేరుకునే అవకాశమున్నట్లు కుటుంబసభ్యులు తెలిపారు.