విషాదం: ఓఆర్​ఆర్​పై మంత్రి వాహనం బోల్తా.. ఒకరు దుర్మరణం

12:17 July 07

ఓఆర్​ఆర్​పై ఏపీ మంత్రి బాలినేని వాహనం బోల్తా.. ఒకరు మృతి

రంగారెడ్డి జిల్లా అబ్దుల్లాపూర్​మెట్ పోలీస్​స్టేషన్ పరిధిలోని పెద్దఅంబర్​పేట్ ఓఆర్​ఆర్​పై రోడ్డుప్రమాదం చోటుచేసుకుంది. ఏపీ మంత్రి బాలినేని శ్రీనివాసరెడ్డి ఎస్కార్ట్ వాహనం టైర్ పేలి.. బొలెరో వాహనం పల్టీలు కొట్టింది. వాహనంలో ఉన్న పాపారావు అనే కానిస్టేబుల్​ అక్కడికక్కడే మృతి చెందాడు. మరో ముగ్గురికి తీవ్ర గాయాలయ్యాయి.  

ఘటనా స్థలికి చేరుకున్న పోలీసులు క్షతగాత్రులను హయత్​నగర్​లోని ఓ ప్రైవేట్​ ఆసుపత్రికి తరలించారు. గచ్చిబౌలి నుంచి విజయవాడకు వెళ్తుండగా ప్రమాదం సంభవించినట్లు తెలిపారు.