ఇంటి గోడపైకి దూసుకెళ్లిన కారు

మద్యం మత్తులో కారును వేగంగా నడుపుతూ ఓ ఇంటిగోడను ఢీకొట్టారు. వేగంగా ఉన్న కారు గోడపైకి దూసుకెళ్లింది. ఈ ఘటన అల్వాల్ పోలీస్ స్టేషన్ పరిధిలో చోటుచేసుకుంది.

సికింద్రాబాద్​ పరిధి అల్వాల్​లోని గ్రీన్ ఫీల్డ్స్​ కాలనీకి చెందిన పలువురు యువకులు మద్యం మత్తులో కారు నడుపుతూ హల్​చల్ చేశారు. నాగిరెడ్డికాలనీలో ఓ ఇంటి గోడను ఢీకొట్టారు. వేగంగా ఉన్న కారు గోడపైకి దూసుకెళ్లింది. ప్రమాదంలో ఎవరికీ ఏమీ కాకపోవడం వల్ల అందరూ ఊపిరి పీల్చుకున్నారు.

అనంతరం యువకులు అక్కడి నుంచి పరారయ్యారు. స్థానికులు పోలీసులకు సమాచారం అందించారు. ఘటనా స్థలంలో మద్యం బాటిళ్లు లభించడం గమనార్హం.