పుట్టినరోజు వేడుకలో తల్వార్​తో యువకుడి హల్​చల్​

జగిత్యాలలో ఓ యువకుడు తల్వార్‌తో హల్‌చల్‌ చేశాడు. తన పుట్టిన రోజు వేడుకలో కత్తిని తిప్పుతూ స్థానికులను భయాందోళనకు గురి చేశాడు.

జగిత్యాల జిల్లా కేంద్రంలోని టీఆర్​నగర్‌లో పవన్ కుమార్ అనే యువకుడు తన పుట్టిన రోజు వేడుకలో తల్వార్​తో హల్‌చల్‌ చేశాడు. ఈ ఘటన స్థానికులను భయాందోళనకు గురి చేసింది. అంతటితో ఆగకుండా కత్తి​తో స్వీయ చిత్రాలు తీసుకుని వాట్సాప్‌ స్టేటస్‌ పెట్టుకున్నాడు.

విషయం తెలుసుకున్న జగిత్యాల రూరల్‌ పోలీసులు పవన్‌ కుమార్‌పై కేసు నమోదు చేశారు. పూర్తి సమాచారం కోసం దర్యాప్తు చేస్తున్నట్లు తెలిపారు.

ఇదీ చదవండి:'నేనే శివుణ్ని... నాకు కరోనా పరీక్షలేంటి?'..పోలీసులకు పద్మజ షాక్ !