రోడ్డు దాటుతుండగా ప్రమాదం... యువతి అక్కడికక్కడే మృతి

పండగ రోజే ఆ యువతికి చివరి రోజైంది. రోడ్డు దాటే క్రమంలో వచ్చిన ఆ వాహనమే ఆమె పాలిట మృత్యుపాశమైంది. విధులకు హాజరయ్యేందుకు బయలుదేరిన ఆమెను ఓ గుర్తు తెలియని వాహనం అనంతలోకాలకు చేర్చింది.

సంగారెడ్డి జిల్లా పటాన్​చెరు మండలం ఇస్నాపూర్ వద్ద విషాదం చోటుచేసుకుంది. జాతీయ రహదారిపై గుర్తుతెలియని వాహనం ఢీకొని మహిళ దుర్మరణం పాలయ్యింది. ఇస్నాపూర్ శివారులో హిండ్వేర్ పరిశ్రమలో పని చేస్తున్న స్వాతి అనే హౌస్ కీపింగ్ కార్మికురాలు ఉదయం పూట విధులకు వెళ్తోంది.

ఈ క్రమంలో జాతీయ రహదారి దాటుతున్న స్వాతిని... సంగారెడ్డి నుంచి పటాన్​చెరు వైపు వెళ్తున్న గుర్తుతెలియని వాహనం ఢీకొట్టింది. ఈ ప్రమాదంలో తీవ్రంగా గాయపడిన స్వాతి... అక్కడికక్కడే మృతి చెందింది. సమాచారం అందుకున్న పోలీసులు ఘటనాస్థలికి చేరుకుని పరిశీలించారు. కేసు నమోదు చేసి దర్యాప్తు చేస్తున్నారు.

ఇదీ చూడండి: భర్తపై కోపంతో బిడ్డను భవనంపై నుంచి పడేసిన తల్లి