తనది కాని సొమ్ము తనకొద్దనుకున్నాడు.. పోలీసులకు అప్పగించాడు

ఏటీఎంలో డబ్బులు జమ చేద్దామని వెళ్లాడు. నగదు జమ చేస్తుండగా.. ఏటీఎం నుంచి తిరిగి రూ.67 వేలు వచ్చాయి. తనది కాని ఆ సొమ్ము తనకు అవసరం లేదనుకున్న ఆ వ్యక్తి.. ఆ డబ్బులను సమీప పోలీస్​స్టేషన్​లో అప్పగించాడు. అసలేమైందంటే..

హైదరాబాద్ ప్రేమ్​నగర్​కు చెందిన కన్నయ్య అనే వ్యక్తి డబ్బులు డిపాజిట్ చేసేందుకని అంబర్​పేట్​లోని ఆంధ్రాబ్యాంక్​ ఏటీఎంకు వెళ్లాడు. డబ్బులు జమ చేస్తుండగా.. మిషన్​ నుంచి తిరిగి రూ.67 వేలు వచ్చాయి. వెంటనే కనకయ్య ఆ డబ్బులను అంబర్​పేట పోలీస్​ స్టేషన్​కు వెళ్లి ఎస్సై మల్లేశ్​కు అందించారు.

కష్టపడకుండా వచ్చిన సొమ్మును తీసుకోకుండా.. స్టేషన్​కు తెచ్చిచ్చిన కన్నయ్యను ఎస్సై అభినందించారు.